کرگل، 2025: نومنتخب مرچنٹ ایسوسی ایشن کرگل کے عہدیداروں نے آج ضلع کرگل کے سب سے گنجان آباد سب ڈویڑن سانکو کا دورہ کیا اور وہاں کے دکانداروں سے ملاقات کی۔

اس موقع پر ایسوسی ایشن کے نمائندوں نے سانکو کے تاجروں کے مسائل، مشکلات اور درپیش چیلنجز کو بغور سنا اور انہیں یقین دلایا کہ مرچنٹ ایسوسی ایشن ہر وقت ان کے ساتھ کھڑی رہے گی۔

سانکو کے دکانداروں نے مرچنٹ ایسوسی ایشن کرگل کے نئے صدر، چودھری محمد یاسین کو مبارکباد دی اور امید ظاہر کی کہ وہ نہ صرف ضلع ہیڈکوارٹر بلکہ سانکو سب ڈویڑن جیسے دیگر اہم علاقوں کے مسائل پر بھی خصوصی توجہ دیں گے۔

* Click to Follow Voice of Ladakh on WhatsApp *

دکانداروں نے سانکو کو ایک گنجان آباد اور تجارتی لحاظ سے اہم علاقہ قرار دیتے ہوئے توقع ظاہر کی کہ نئی قیادت اس خطے کے تاجروں کے مسائل کے حل میں سنجیدہ کردار ادا کرے گی۔ اس موقع پر دکانداروں نے مرچنٹ ایسوسی ایشن کے سابق صدر، حاجی عباس کی خدمات کو بھی سراہا اور ان کا شکریہ ادا کیا۔