سنگینگی میک پو فیسے لتوس چوقچیک زیرے غزیانگنوک
سولہ زنزوس ستورے نگوین دوک سو ختے ملبیانگ نوک

زوسے غاصب کونی میزائلی زہریس توقسے
ہسا شاون ژھقسمہ گیورے فرونی امے فانگمیانگ نوک

لڈوروبا یونگسے ننگون ژھن فوتے فیستا جق ژم
زدیکپا ژام ژھیکسے خرو غاصبی بم کھا میانگنوک

* Click to Follow Voice of Ladakh on WhatsApp *

سنینگا سنینگ ژھا میگا میکچھو کتو یودنا زیرچھیک
سغیس لبیک یا غزہ نی لچے یودنا کھیانگ نوک

قدس صیہونی لغیانگ نا فوتے کھیونگما ژھن نگین
رپاہو حماسی رماغیس ستروق کھورے یود لقپیانگ نوک

نگی نگوچن سید حسن نصر اللہ حزب اللہ
کھونگی کھیود پو زباسے یود سید علی میک ردیانگنوک

لے سوکھن دقپو یری رمیکس پو خفی انمو حق ان
ستریسے فونگ غاصبی رمیکس نگن یریس سا تھلبیانگ نوک

–ناصر خفی–